हे चिंचेचे झाड दिसे मज चिनार वृक्षापरी
दिसशी तू, दिसशी तू, नवतरुणी काश्मिरी !

बघ निळ्सर पाणी झेलमचे झुळझुळे
हे गवत नव्हे ग पिवळे केशर मळे
ही किमया घडते केवळ प्रीतीमुळे
उघडे डोंगर आज हिमाचे मुगुट घालिती शिरी

रुसलास उगा का जवळी येना जरा
गा गीत बुलबुला माझ्या प्रितपाखरा
हा राग खरा की नखऱ्याचा मोहरा
कितीवार मी मरू तुझ्यावर, किती करु शायरी

हर रंग दाविती, गुलाब गहिरे फिके
तुज दाल सरोवर दिसते का लाडके
पाण्यात तरंगे घरकुलसे होडके
त्यात बैसुनी मधुचंद्राची रात करू साजरी



गीत - ग. दि. माडगूळकर
चित्रपट - मधुचंद्र

टिप्पणी पोस्ट करा Blogger

 
Top